توقيعي المبهم

[محمد صفوق]

خلّي حنين القلب ، ينقص ويزداد = وخلّيني اسولف معك بالسياسة
ماودّي اسرج بالمشاعر لك جـْياد = أخاف من كبوة حصان الوناسة
ولاودّي افتح بابي لكل نقّاد = والناس تَعْرف ماخفى بالفراسة
لو جيت اسولف عنك -يحرمني الزاد- = إنك حدث يحتاج مني دراسة
وإنك وطن،فيه احتفالات واعياد = آمن ، ولاتلزم حدوده حراسة
وإنك شعورٍ مايترجم بالانشاد = ولاتوصل ابيات القصيد لقياسه
ماللوفا – والله- سوى قلبك بْلاد = والصدق قبلك ما اعَر ِف وين ناسه؟
جيتي كذا، صدفة بلا أي ميعاد = دخلتي حدود الخيال بسلاسة
وأنا مطارد ، جيت مذعور من غاد = رحلت قبل اسمع علوم العْساسة
توقيعي المبهم ،يسولف للاسياد = عن سيدة كل الذكا والكياسة
(أنمو أو اذبل) كان تاريخ ميلاد = ميلاد للفرحة بموت التعاسة
يا ام الشعور ارجوك لا جاك نشّاد = عني يبي يملا بالاخبار راسه
قولي له اني منشغل بأحرف الضاد = أحاول اشعل شوقها لك حماسة
واكتب بها لاصارت ايامي مــْداد = واعجز وانا اكتب وانتهي بانتكاسه
واترك حنين القلب ،ينقص ويزداد = واعود اسولف بالادب والسياسة