[محمد السالم]

يا ضيق صدر البلد يا حسين بعيونـي
وياوسع صدر البلد ياحسين باحزانـي
؛؛
كنّ الشـوارع واهلهـا مـن يمرّونـي
وكنّي انا الجالس اللـي مامعـه ثانـي
؛؛
من غابوا اللي على بعضـي يلمّونـي
رغم الكثير ؛ الكثير ؛ أحساس وحداني
؛؛
من ليلهـم روّحـوا عنّـي وخلّونـي
لا عسعـس الليـل ضايقنـي وبكّانـي
؛؛
أحسّنـي لا أنـا ؛ أحسّنـي بـدونـي
لا الاسم اسمي ؛ ولا العنوان عنوانـي
؛؛
إن كان معنا الضياع يضيق بي كونـي
فانا كذا ضايعـا مـن بيـن صدقانـي
؛؛
هذا انـا جالـس واحاسـب طعونـي
مجني علي ؛ واتحاشا خاطر الجانـي
؛؛
مليان صدري حنين وهدهـد ظنونـي
من فجر في النافـذة يبكـي وينعانـي
؛؛
على عصافير صبحي ؛ يبست غصوني
واركض من اقصاي بالحقني ولا امداني
؛؛
يا حسين لوشفتني يوم انخطف لونـي
وانا أسأل الناس ؛ حدّ اليوم لاقانـي؟!

..


..


م.س.