بك العيد يفرح وأنت للعيد عيدين = وانا عيدي يوم القاك ترتاح عيني
عسى الله يجمِّل باقي العمر بالزين = وعسى يكتب العوده لنا مومنيني
هلا بالفطر عيدنٍ يسر الملايين = هلا وإن نزف جرح بسبايب يديني
أكنّ الحنين بداخل الصدر تطمين = وافرّج عن البسمه قيود الحزيني
واهنّي على الفرحه واداري عن العين = معالم صحاحٍ بالحشا تحتويني
أنا واجبي بالطيب اقدمه ضعفين = واغني طروقٍ تفرح العايديني
عسى الله يقبل صومكم يا المصلين = وعسى دايم الفرحه عليكم تِبيني
أختنا الفاضله / سوة الكنوي
إخواني وأخواتي أعضاء وإدارة المطر
عيدكم مبارك إن شاء الله وكل عام وانتم وجميع الأمه العربية والإسلامية بخير
واسأل الله جلّ وعلا أن يجعلني وإياكم من العايدين الفائزين
دايم