آل الرواء ،
قصيدة ترى النور أوّل مرةٍ على بساط
البنفسج ..
وأمنية تشاغب القلب أن تروق لكم ..
تقول : شاعر عذب، مبدع و راقي = راقي حروف، وبعد راقي تعامل
أشوف فيك أشيا تفوق اختلاقي = كامل وغير الله لا شيء كامل
من بحر تغرف ماتجي للسواقي=اتصب شعرك من نهر فكر صامل
حتى خفوقك صعب معه التلاقي = عجزن بقلبك فاتنات الأنامل
دايم أمارس بالقصيد استراقي = وانهل قصيدٍ مع دروبك تزامل
وامنيتي ابشعرك أشوف انبثاقي = مابي قصيدٍ فـ.الدواوين هامل
قلت : آه والله جفّت غصون ساقي = من زود ماني فوق نفسي أجامل
أحيان وآنا في محيط احتراقي = اتحامل بموقف يفوق التحامل
اتعب على اللي ما يبون افتراقي= حتى لو اني مُتعب شعور، خامل
آمالي العذبه ودرّ اشتياقي = اكون بعيون الجماهير شامل