[راشد الفهيد]

السلام عليكم ورحمة الله وبركاته

اولا : اعتذر لكم عن غيابي الطويل وذلك بسبب مرض الوالده الله يشافيها ..

كل الشكر لمن سأل عني وارسل رسائل سواء خاصه بالمنتدي او على الايميل ..

واشكر الاخ / عبدالعزيز الجراح على سؤاله الدائم عليه واقوله بيض الله وجهك ياعبدالعزيز

وهذا من طيبك ..

متواضعه للتواصل

واتمنى ان تنال اعجابكم

( مدخل )



بقول لك شى دامك ناوى الصده ... كلمه من القلب خذها كاش بلسانى



خذ وقتك اللى تبيه وطول المده ... وشف منهو اللى يرد ويسبق الثانى



والله لترجع وصبرك منتهى حده ... واقول لك وقتها تقدر تحدانى

قلبى قسى ياعنا قلبى من اسبابك ... من يوم شاف الغلا عندك وتقديره





من يوم شافك تصد مسكرن بابك ... والحب عندك عديم وشاف تقصيره




خله يسرك عديم الرأى واصحابك ... وقلبى عسى الله يسهله تدابيره




ولابد يومن تجى واقول وش جابك ... واذكرك بالكلام وكل تفسيره




من اولن نعشقك ونموت بترابك ... واليوم ماعاد لك طارى ولاسيره




ياكثر مااكتب قصيدى واتغنابك ... واذكر وصوفك وابين كل تصويره




خليتك اقرب من عيونك عن اهدابك ... وخليت لك فالحشا سلطه ولك ديره




خلاص قلبى نساك وسكر احسابك ... والله يعينه على باقى مشاويره




ابيك ترحل وهذا كله اسبابك ... هذا الكلام الاخير ولانبي غيره

( مخرج )



لاتحسب أني عقب صدك بناديـك ... كمـل طريقـك والله اليوم وياك