[جميل العتيبي]

مصافحة أولى أتمنى أن تنال على إعجابكم ..

	لامن بغيتي تجيني ثم جيتيني = شيلي غرامك وعدّي ثم شيليني ماعاد فيني هوى عاشق ولا لهفة = الهم والضيق في فرقاك كاويني اجيك جمرة غلا واجيك من كلي = فدوتك قلبي وماتحوي شراييني وليا لفيتك وجيتك قلت وش جابك = ماعاد باقي غرامٍ بينك وبيني وقفّيت عنّك وأنا عاني ومتكسر = اكذب لو أقول صدك ماقدر فيني لو أنني لم أقاوم ساعةً قهري = لكان قلبي غدا مقسوم نصيني انا حبيباً ليا اضحى الهوى ثملاً = اصبحت خاوي هوى والبعد حاديني لا تذكريني بسوٍء عند ذكرانك = انا دموعي ماعادت تصبر لعيني ياسيدة حسن من كان الحسن فيها = لا تسأليني عن الديره انا ويني ؟ انا في دارٍ جفاها الأنس من أمدٍ = ماتنظر إلا دموعي وتسمع أنيني اموت والفرق لو الميته الميته = اموت لك في الهوى وسنيني سنيني زيديني عشقاً وزيدي حبنا الناقص = وأنتي من الأصل قبل اقول زيديني اخذيني حسنة زمانٍ في سنواتك = ولاصرت لك سيّةٍ في يوم رديني خلي غرامي على شاطيك يتعايش = وإن جيت في يوم عاني لا تخليني انا غريبٍ لفاك وكاويه رجله = سود الليالي امانه يوم داويني يآختي ترى ماعاد فيني تحمل = لا تتركيني لناسٍ ما تدانيني لا تتركيني شماتة في ملاسنهم = وش تستفيدي بعدها من معاديني وانا الذي من شان عينك تنازلت = عن البشر والعالم اللي يبيني قسّمت قلبي عشان موادعك صفحه = وخليتك أول عباره من عناويني ومشيت لأجلك على شوكٍ منابتها = تدمي رجولي واقول الله يشافيني ابختصر لك في بيتٍ حالي ووضعي = اطلبك لو مرةٍ في يوم سمعيني مرات احس الهوى دوله وانا الحاكم = ومرات احس الهوى ماينحكم فيني

مع خالص تحياتي .. جميل العتيبي