.
.
ما ذبحني من الجروح .. إلا غيابه
و مافجعني من الغياب .. إلا بقايا :
دمعته ..
زفْرة حنينه ..
لهفته ..
ضحكة عيونه ..
مابقى بي .. من جنونه
من فنونه ..
من ألم صدرٍ تمنى حضنه .. و زايد طعونه !!
من حنينٍ شقّق الصوت .. و كسرني
إلا جرحي ..!!
كنت احسب إني .. قدرت
كنت اظن إني .. سليت
انكسر فيني طموح ..
وانولد بي .. ألف بيت !!
يحكي فراقه .. وقلبي
كيف يحيا .. ماهقيت !
غصّة فراقة بحلقي ..
باقية .. مُرّة .. أليمة
آتجرّعها .. حنين
و آتوجّد .. لاحكيت
و اشتكي حالي .. لـ حالي
مادريت إني .. لحالي !!
دون ماشعر ..
بس بكيت .. و انزويت
اختلف فيني .. ملامح !!
بعد ماكنت .. طامح
انكسرت ..!
و بعض مافيني كتبته ..
و اكثر الباقي .. طويت
.
.
تحيّة بحجم قلوبكم
أحمد المطوع