[محمد السالم]

..


..




كنتي ؛ وهو الضاحك اللي يشكر ؛ اقداره
......................وغبتي ؛ وهو العابس اللي ؛ يشتم بوطره
كانت تأاويـل صـدره فيـك ؛ محتـارة
........................مَعاد لـه فيـك مـا تحتملـه ؛ القـدرة
حتى غدا الضيق ؛ يا خذ موضـع ازراره
........................ويدين ياسـه ؛ تـزرر مبنقـة صـدره
يشبّ نـار العتـاب ؛ وصـدره اوجـاره
........................لين النفس صار قش ؛ وضيقتـه جمـرة
الوادي اقفـر؛ ولا زرتيـه يـا : جـارة
........................تصفر به الريح ؛ ليـن احتـدّ للصفـرة
انحتّ خطل الخضار؛ وعسكـر اغبـاره
.........................ما كنّ يوم نبت ؛ فـي منقعـه خضـرة
مَعاد طيـر الوصـل ؛ يشبعـه منقـاره
.........................وأصبح من الجوع ؛ يبدي رغبة الهجرة
يسرح بجوعه ؛ ويضوي مبطن اضماره
.........................حتى بدا يخـاف عشّـه ؛ ينقلـب قبـره
كان الأمل زاملٍ ؛ فـي صـوت بحـارة
.........................ساقتهم الريح ؛ لين افضوا على : صخرة
مثل " السمك " ؛ لا علق في طُعم سنارة
..........................مجـرد إن يسحبوهـا ؛ ينتهـي عمـره
الله ما أكبر مصابه ؛ فيك يـا ( جـارة )
..........................حبستي النهر ؛ ماللّي مطلبـه : قطـرة



..


..



م.س.