أقبلوها كما جاءت
.
.
ماتت شموخ وباقي الحرف مامات =منها استمد الحرف طهر وعذوبه
ماتت شموخ ولامس القلب حسرات =والموت عند الناس مرٍ شروبه
الموت حق ولا يبيله شهادات =حتى لو ان الموت فيه العجوبه
للموت دايم مع الناس وقفات =دايم يحرق الجاش حامي لهوبه
ياما يفرّق بين ناسٍ جماعات=وياما عصف بين الاوادم هبوبه
الدايم الله والبشر كلها اموات=واعمارنا عند الكريم محسوبه
عزاه ياقلبٍ تفاجئ بصدمات=على غفله الخبر يَمّه لفوبه
العلم جانا فجأةٍ دون جرعات =وحل الجفاف اليوم بأرضٍ خصوبه
يارب تجعل قبرها رياض جنات =حتى السحاب يزيد فوقه صبوبه
ماتت شموخ وباقي الذكر ما مات= ولا مات حرفٍ فيه طهر وعذوبه
رحمك الله رحمة واسعة وأسكنك فسيح جناته
وألهم ذويك ومحبيك الصبر والسلوان