السلام عليكم ورحمة الله وبركاته
هذي أول مشاركه بالنسبه لي في أرجاء إملاءات.. وأتمنى أن تنال الإستحسان..
كلمة شكر وامتنان لمن أرادني أن أكون هنا..
بينكم..
وقت الموادع والسفر جات ساعته=وداعة اللي ما يضيُع وداعته
باآودعك وانا معي شوق شايله=في وسط قلبٍ سود الأيام لاعته
وعينٍ تهل الدمع من جور حزنها=هلت عيون اللي مفارق جماعته
ياموادعي والقلب جالك يعاهدك=لو طال بعدك ما يغير قناعته
بآقولها لك مثلما قالت البشر=الحب من فرقا الحبايب صناعته
ولا أنت إسمك من غلاك ومعزتك=داخل محاني الصدر تمت طباعته
إن جاع قلبي من وصالك وشوفتك=ما غيرك إنسانٍ يعوض مجاعته
فرقاك داء اليوم قلبي يقاومه=وشوفك دوى دايم يقويُ مناعته
في عالم علاج الحبايب وطبها=أنت العلاج اللي يحقق نجاعته
ما أنساك ياللي علمتٌني مشاعره=كيف الغلا في القلب تنبت زراعته
طمعت قربك لكن الوقت مارحم=ظالم وتعرف وش تسوي بشاعته
عيش فؤادي وحشة اليأس والقسا=الين ضيُع في المواقف شجاعته
جيتك غني والفرح كنه بضاعتي=وسافرت خالي الوقت ضيع بضاعته
علم الوداع اللي من اليوم قصته=إجعل رسول الهم ينشر إذاعته
طفلٍ ولد من عالم الحزن وأرتما=في خافقي عايش مراحل رضاعته
في ليل كله خوف ودمعٍ يقابله=وصمت المشاعر ما أقدر أوصف فضاعته
وأنت تعرف كيف البطا يجلب العنا=في حزة التعذيب يظهر براعته
لكن على الله صبرنا وإتكالنا=اللي قبل دعوى النبي وشفاعته
بصبر الين القلب يحظى ويقابلك=وآشوف أنا نور الجبين ونصاعته
هذا شعوري قبل ما أرحل وأغادرك=يامن مشى قلبي على أمره وطاعته
وسلامتكم