[راشد الفهيد]

وين انت ياللى غيابك زاد عن حده ... تعال شفنى عقب فرقاك ياجافى

ياليت ترفق بخلك عقب هالصده ... محتاج اشوفك وابين لك عن الخافى

واعلمك وش جرالى بعد هالمده ... والله مانى عقب فرقاك متعافى

لولا ضلوعى ترد القلب وتصده ... والله ليطلع من الحرمان ياكافى

ارحم حبيب ٍ تولع والغلا هده ... صارت حياته ظلام اسراجها طافى

يسامر الليل مع ذكراك ويرده ... يذكر زمان ٍمضى يوم انت له صافى

أنشهد ان الهوى ملعون ابو جده ... يدمر حياتك لو انك قرم وسنافى