[مازن الحمزي]

.

بهالقهوة المنسية
كان في قصة مطوية
منسية على شجر الرّمان

كان في واحد يقعد هون
كان ينطر وحدو هون
يطلب قهوة
و يملي الدني دخان

يمضى الوقت ناطرها
على المفرق ناطرها
و خيال البنت مخبى ما بيبان

يمضى أكتر من ساعة
والساعة ورا ساعة
صافن بالقهوة
واقف
صار بدو يفل

لما يضجر يتمشى
بين الطاولات
يحكي الطير .. والصدى .. و المسافات

صار بعدو غياب
و الهوى يشلع لبواب
و صاحبنا بعدو ناطر عالباب
الورق الأصفر يتمرجح
يمرق حدو يتمرجح
و صاحبنا..
بعدو ناطر عالباب


ما عاد عارف شو يقلون
أو يحكي
تاري صاحبته الحلوة مش عم تحكيه
لياليهن بتشرين
كانت سهر و حنين
تطليعاتن و لفتاتن حلوين

[ كان لما يشوفا
يتضحّك
و يقللا : ليش تأخرتي ؟ ]
[ وهيي تقول : كان عنا درس كتير ..
بس أنا هربت من مدرستي ]

.




.