[هند بنت محمد]

لاتنشغل فيني
كل السالفه
اني فرشت لك هدب عيني
وقلت لك .. نااام
والتحف حلو الاحلام
يااغلا من سكن في ضميري
واصحى .. تصحى
او تطل من شبابيكي غلا
لاتسرقك مني الانظار

السالفه .. مافيه سالفه
لاتنشغل بالدمعه تتمايل على جرف الألم
هي بس تغسل مواطي هالحلم
وانت خابر كل السالفه

كل الحكايه انك ..
جدفت بنهر الشعور
اللي فيني عاث .. وبك خدر
وصارت موية عيوني لك حبر
واصابعك .. ريشه من غدر
غمست اقلامك بحبري
ولونت لوحة أيامي
موناليزا غامضه
من شعور وشعر

السالفه
كل الاحلام راحت
وكل تباريح المساء .. غابت
حتى الحمام اللي على شبابيك الهوى عشعشت
هي بعد طارت .. !
وش بقى
مابقى الا اصل السالفه
اني خِبله يوم عشقتك
واني اغبى يوم أمنتك
وان هالريشه اللي فيني رسمت
لازالت ببؤبؤ المعركه
صامده ..!
ولا زال حبرك يفيض
من هندمند العاطفه
السالفه
اني اكتشفت ان حبك
ماهوب لم سالفه

^_^