.
وجهك الشفّاف , فاتن ..
يا حبيبه ,
أرفعي شال الضباب
عن عيونك ..
عن وطن ساكن عيونك ..
يا صباح ٍ هام في حبه
[ مواطن ] ..
ما يبي غيرك شعاع ..
يعشقك للموت ,
لَكنْ .. !!
ضاع عمره ,
في متاهات الدروب ..
ينتظر , والمر جالس !
في جواره ,
ضاع , ما حصّل نهاره !
والمواعيد الحزينه ..
في الهوى ..
تبقى حزينه ..
ما تغَيّر شيّ خساره ..
نفسها هذي الوجيه ..
مرّت الدنيا وباقي :
الوجيه , نفسها
والغربة تكتظ الأماكن .. !!
.. .. .. .. .. ..
سلميني ..
احساسك الدافي الحنون
وارحميني ..
شقّت أفكاري الظنون ..
واشتكيتك للوجيه ..
اللي مَرّتني في ذكرى ,
أو في دفتر شعر
ذَكّرني الطعون ..
يا حبيبه ,
اهدمي سور البعاد ..
كلّ دقّات الثواني
فـ البعاد ..
عَلّمت قلبي يخون ..
والهوى الصادق
حنون ..
لو تموت الدنيا
ما فَكّر يخون ..
استريحي يالظنون ..
المواعيد الحزينه
في الهوى
تبقى حزينه ..
ما تغَيّر شي خساره ..
مرّت الدنيا وباقي
الوجيه نفسها ,
والغربه تكتظ الأماكن .. !!
.. .. .. .. .. ..
وادعيني ..
واسألي عنّي الشموس
والطيور , والشجر
والغيم لو مرّك هبوب
سافر شعوري لـ غربه ..
تشبه ألوان الغروب .. !
ما تركتي , لـ الهوى ,
موعد , وصدفه ..
ما تركتي أيّ شي ..
والعواطف ..
بينك وبين العواطف ..
صوت حرّاس ٍ وباب ..
واكتئاب ..
والأمل اسم ٍ لـ سلوى
أو سراب ..
آه , يا حلمي الجميل ..
ما بقى حلم ٍ جميل ..
الموعيد الحزينه ..
في الهوى ,
تبقى حزينه ..
ما تغَيّر شي خساره ..
مرّت الدنيا وباقي
الوجيه نفسها ,
والغربه تكتظ الأماكن .. !!
.