23/04/2010, 03:28 AM
|
#206
|
شاعر
|
.
مشاعرنا ..
من اللي , يجرح الخافق ,
ويتعبها .. مشاعرنا ..
ومِنْ , مأتم .. إلى مأتم ..
تبعت الغيم , لجل الديم ..
والذكرى ..
توَلّت بي , وخلّتني على , آهة
مواجعنا ..
ولا , حنّا .. نسينا الهم
أو , بنّا ..
* * * *
أحبك حيل ..
وأنت ِ لي ,
وأخذك العاذل بدربه ..
نسيتيني ..
من اللي : وَرّد العاشق إلى حتفه
وغَيّبه الجفا , صدفه ..
ولا شاف الهنا بعد المُنى ,
إلاّ على , شرفه
إلى موته , وتنهيدة وجع تملا الرجا
حيره ..
إلى دفتر عمر غامض ..
وبه كلّ الحزن فارض ,
ولا منفى , ولا ديره ..
وابن الفارض اللي : كان يكتب شعر
حذّر من هوى المسكين ..
لا , يمضي .. إلى سكين ..
يرمينا ..
* * * *
كذا , لا من عرفت الهم , بعد الغم
والسّقم اللي : في بستانك الظاهر
على قْناعه ,
يجي نسمه ..
يمَنّيني بـ خَضَار الوقت
والساعه ..
تخلّي , الوقت في عيني
فَرَح ساعه
أشوف أقرب من العقرب فؤادي ..
والأيادي ,
تنتظر مَدّ الأيادي ..
والنّفس عند النّفس , لا شَك طمّاعه ..
يقولون : الأمَل قَرّب ..
يباس الريق يتمنّى , ولو هو كان يتعَنّى
تجي , رشفه , ولو , غلطه ..
مِنْ , شْفاهكْ ..
وتروينا ..
* * * *
وكلّ اللي : تمنينا ..
يغيب , أكثر ..
نسينا حلمنا عاري ..
وخلّينا الأسى , يعبر ..
دواخلنا , أمل ساري .. وتلويحة حزن تربح ..
على , درب الهجير آفل ..
نهاري , داري , والمهجر ,
وأنا داري ..
ولو , أصفَح , رفض وقت العنا يصفَح ..
حزن يكبَر , فرَحْ .. يصغَر ..
وعن حزن القوافل ..
أماني الراحلين كثار , تتعَثّر ..
وأنا واقف .. ولا أقدر ..
.
|
|
|
|
|