[برهان المناصير]

يا حي نمر


يا حي نمر اللي بقلبي حكا به
.........لا قال هذا هو بلا بوك يا عقاب

هيض خفوقي والمشاعر تشابه
.......لا صار قلبي بالهوى اليوم منصاب

كني عليلٍ ما درى وش مصابه
............وتحيروا فيه الأطبه ولا طاب

الحب عله عل قلبي وصابه
.........امسى شبيه الشمع قلبي ليا ذاب

قلبي غريق وصاحبي ما درى به
.........مركب غريب وتايهٍ بين الاهداب

هو ما درى باللي تعنى ونابه
...........همٍ ثقيلٍ ما دروا فيه الاحباب

الدفله صارت من صدوده شرابه
............كم غص فيها القلب يرجع ولا تاب

اضحيت لاجله عاشقٍ للكتابه
.............يا ليت يدري كم كتبته بالاطناب

ويا ليت يدري وما تنوله غرابه
.............من أشرق بدنياي طيفه ولا غاب

الحب نورن بالظمير ورحابه
.............من قال ما به نور جاهل وكذاب