إملاءات المطر - عرض مشاركة واحدة

**برهان المناصير** · 11/04/2015, 12:35 PM

بوح_الحفيف
( 15 )

البشر وقت الظما مثل السراب
.........لا ظميت اقطع رجا القلب العفيف

الطمع خلّيه في منشي السحاب
...............ربك اللي لو يشا برٍّ لطيف

من يحن الغيث يحْضنه التراب
............تتولد زهره على رغم الخريف

بعد عسر اليسر يصرخ بالجواب
............لا وعاه القلب تسمع له رفيف

ايه هالدنيا غدت غابٍ وغاب
............الأمان وياكل الصلف الضعيف

ليتني عصفور يا عصر الذياب
...........لا لمح ناسٍ حضن غصنٍ رهيف

باح حزنه في صفيره والغياب
..........وراح يسمع بالورق بوح الحفيف

هذي الدنيا بشر!! ذبح وعذاب
..............من يبي يبحر تغشّاه النزيف

هذا أنا صديت واعلنت الغياب
........وش بقى يالعالم الشْرس المخيف

برهان المناصير