[محمد الفيفي]

.




في مدينة حُبنا ..
زحمه وشوق ..
والعروق ..
صابها من كثر خوفي
إختناق ..!!
من عواذل ..
أو عتب
وإلاّ فراق ..
والشوارع ..
غربه في كلّ إتجاه ..!!
لا أماني ..
أو معاني ..
فيها من طعم الحياه ..!!
الزمن عاري ..
ووَرّث ..
من جروحه لي عتيم ..
والغرابه ..
الجرح نفسه ونزفه ..
لي معه وعد ٍ قديم ..

*****

يا سوالف ..
طمني بعضي
على بعضي ..
وودي ..
للنحل أحلى رحيق ..
قولي : إنّي ..
ما عرفت إلاّ الفَرَح ..
وإنّ قلبي ما شكى
ولا إنجرح ..
والطريق ..
قولي : واسع
حتى لو كانت ضلوعي
تختنق منّه ..
تضيق ..
وإستمري بالحكي
كيف أشتكي ؟!
والزمن عاري ..
وورّث
من جروحه لي عتيم ..
والغرابه ..
الجرح نفسه ونزفه
لي معه وعد ٍ قديم ..

*****

لا جديد ..
في عيوني ..
ألف صوت ٍ للحزن
وألفين بيت ..
حَطمت أسوار عشقي ..
والمدينه ..
تحتضر حيّ ٍ وميْت ..
وللجثث فيني نحيب ..
من وداع ..
وإلاّ ذكرى ..
من فراق أغلى حبيب ..!!
كيف أغيب ؟!
عن وجيه مْن الشجن
دايم تطيح ..
تنتظر ..
في وجهها [ برد ٍ وريح ] ..
يا خساره ..
ذا [ يموت ] وذا [ جريح ] ..
والزمن عاري
وورّث
من جروحه لي عتيم ..
والغرابه
الجرح نفسه ونزفه
لي معه وعد ٍ قديم ..







.