[إيناس الطاهر]

	عسى ما شرّ أنا من يوم ما كانت ، ملامح شوقي تلحقني وأنا واياك ، ضدّ وندّ ، يلاقينا فراق بـ حدّ وتتباعد أمانينا وتهجرنا سنين الوصل ويلاحقنا قسى البعاد تباعدنا ، و تغرّبنا ، وصرنا بـ القهر ، نذكر ، بقايا من اسامينا حفرناها ، ونسيناها ، وهجرتنا يوم إنّا ، من الأيام طلبناها كنّه القدر يكتب ، لا نلقى هوى الخلّان وشوف الخلّ ما يطلب بيوم البعد لقيانا تعال وشوف بعيونك ، وش اللي صار من بَعدك يجي بُعدك وما يرحم أنين الشوق ، قلبك القاسي زمان ، يوم اني عرفتك قالت لي عيونك مرة وحدة اوعديني واوفي الوعد اوفي الوعد واذكريني وذكرتك ، وليتني ما عبرت الشطّ ولحقتك انت تنسى ، قلبه يقسى وقلبي عـ الوجع ينظر ذاك الوعد عسا ماشر ، تعلمت عني الصبر الله أكبر ، والله وصرت تستغني ، وعن مين ؟؟ عني وانت صناعة ايديني وجمالك لمسات من فني الله اكبر كيف يستغني وهو المتمني وكيف صار يروووح وما يحني يا ابعدهم الناس واقربهم مني يا عشقي الجارف ، وشوقي النازف ياحب ما لقيتله لا وصف ولا واصف يجوز للغير اليوم شايف او الله العليم نست اسمي ذيك الشفايف او انا اخاف منه وهو مثلي اليوم خايف انا ناوي ابتعد ومصر وحالف ، بس ايش حيلتي كيف أواجه أعاصير العواطف شلون انساحبي ولهفتك وخوفك علي وسؤالك عني ، كيف انسى كل ذيك السوالف ؟؟ انتَ اذا غلي الذهب ينكسر خاطره بوجودك وانت الالماس انت ما انت روحي ودمي وبس ؟؟ انت الانفاس هاك دمي حبر ، هاك قلبي القرطاس واكتب عني ، عن كذبي ولعبي واحتيالي وخيانتي اكتب انك الأطهر ، انك الجوهر ، انك من العنبر اعطر ، انك الشمس وانور اكتب عن كل شي كبير صدقني انت اكبر منه وانت فيك كل المحاسن واكثر انت الوفي وانا الخاين انا المديون وانت الداين انا قريه ومهجورة ، وانت رياض وجنات ومداين وانا الخداع الاسود وانت البياض الواضح الباين وين الهروب منك ، وانت عمر وسنين وانت حب وحنين وين و كيف ؟؟؟ احكيلي و علّمني كيف اهجرك واغدرك واتركك وانساك قولي كيف وانا ذرة غبار في سماك احبك ايه احبك واحبك ولوما اتمنى احبك ، بس غصب احبك