.
لو بساتين الوفا .. غابت
وغبتي !!
والكلام اللي كتبتي ..
صار ذابل ..
من يصَحي عروقنا
ينده عطاشى ..
والسنابل ..
كلّ شي فيها تلاشى ..!!
هل بَعد هذا تبيني؟!
أنتظر حلمك يجيني ..
أو أغَمّض وأنتظر ..
وآقول : باكر ..!!
*****
بس أبي أعرف شعورك ..
كيف نورك ..
يكتسي كلّه ظلام ..!!
والظلام اللي في نوري
ما يزورك ..!!
والحنان اللي ابتسم ..
بيني وبينك ..
ما يصافح ..!!
يرفض إنّه ..
يرسم الفرحه ..
ملامح ..
هل بعد هذا تبيني ؟!
أنتظر حلمك يجيني ..
أو أغَمّض وأنتظر ..
وآقول : باكر ..!!
*****
للوجع قبرين ..
والثالث مرايا ..
والحكايه سافره ..
تبني مشاعر ..!!
والزمن لحظه ..
وأفراحه خطايا .. !!
والأماني مسافره ..
والموت شاعر ..!!
هل بعد هذا تبيني ؟!
أنتظر حلمك يجيني ..
أو أغَمّض وأنتظر ..
وآقول : باكر ..!!
.