أقــبــلوهــا بشمــوخــها
شموخ راسي بالسما معتلي فوق
لاأنت ولا مثلك يجيبون راسي
رباني الوالد على طبع موثوق
ومن مسني آطى عليه بمداسي
لي هامةٍ ماطالها أي مخلوق
وبنت الأسد ماتلتفت للبساسي
ان كنت مطفوقٍ معي الف مطفوق
يملون حلقك بالوحل والخياسي
ماني مثل بعض الهذاليف بالسوق
اللي بغاهن بالردى كل خاسي
كرامتي والدين والأصل والذوق
مع الشرف لبسي وصارن مقاسي
انا شموخ ولايق المجد لي لوق
ومن عزوتي الويلان مجدي وساسي
عوقٍ على مثلك وشرواك هم عوق
ابعد قبل تكثر عليك المأآآسي