[محمد الفيفي]

.






مِنْ نور وجهك, تاخذ الشمس الشعاع
............... وفيِ صباحاتك .. أشوف الصبح [ عيد ]

فيروز غَنّت لك , وناي الحزن ضاع
............... والغصن غَرّد ... مِنْ عصافيره ... نشيد

غَازَل سحابي وجنَتْك ... صافَح يَرَاع
............... قطر الندى ... نايم على, شفاهك .. سعيد

إنت ِ بعيده والأمل ... [ عاري ] متاع
............... يطلب صباحك .... وآنا أطلب ... مِنْ بعيد

بيني وبين الغربه .. شبر ٍ .. أو ذراع
............... والباب خلفه .. [ ريح ] ... وأمواج ٍ, تزيد

إصْحَي .. صباحي .. في غيابك للضياع
............... قولي : [ صباح الخير ] .... في يوم ٍ جديد

هذي الحياه ... [ منفى ] / ودرب ٍللوداع
............... قبل الرحيل ... إهداء لك : .... هذا القصيد







.