< مدخل
من الليلة ترى احساسي توفى= مع سنين القهر كفى ووفى
الله يرحمها وموتى المسلمين=ويلّهم ذويها الصبر جل إمتنانه
اللي لها حرفٍ رفع راية الدين=حرفٍ زرع للدين تثمر جنانه
وحرفٍ يكف الدمع لاامطر من العين=وحرفٍ يواسي صاحبه من حنانه
وحرفٍ شرب فـ/الوقت حلو الأمرّين=ماقد شكت له يوم و إلا عشانه
وحرفٍ يرد الدين واحساسه الدين=وحرفٍ وفي ماخان عهد الأمانه
وحرفٍ شرى للطيب دارٍ وطيبين=واللي يشم الطيب يعرف مكانه
تبكي عليها عيون ناسٍ كثيرين= وعين اليتيم اللي شقى اليتم هانه
حتى الشعر من موتها فيه جرحين =جرح الفراق وجرح فقد المكانه
إلها ف.بحره منجزات ومضامين=واحروف يسكنها السحر من بيانه
بنت الشموخ الشامخة في الموزين= على المكارم ذكرها له ميانه
مخرج >
وانا بعده يجيني يوم و ارحل= عن الدنيا وشعري ما رثاني
اللهم اغفر لها وارحمها, وعافها واعف عنها, وأكرم نزلها ووسع مدخلها, واغسلها بالماء والثلج والبرد, ونقها من الخطايا كما ينقى الثوب الأبيض من الدنس, وأبدلها داراً خيراً من دارها, وأهلاً خيراً من أهلها, وزوجاً خيراً من زوجها, وأدخله الجنة وأعذها من عذاب القبر ومن عذاب النار