لـ ابوظبي عندي كلام كثير = ما كنه الا اللول و المرجان
ياتاج راس العز و التنوير= يـ اللي كرمك مغـــرق البلدان
ماتشبهين الا صباح الخير=و الغيم لامـــــــــن خالفه هــتان
ولاّ المئاذن لا ابتدا التكبير= او المعارك لــ اعتزا الفرسان
يا ديرةٍ فيها الكلام اصغير= من قدرها تَكبر على القيفان
قلبي ابـ حبك منتهى التزهير= و العطر و التحنان و الألوان
شايل جميلك بالحشا ويطير= من الســــلع إلى خليج عــــمان
ياشاهقه هذا الوفا لك طير= وحَشْ وَحَشْ ماقرنسه لـ انسان
انتي وطن وكل مابه غير =متميزه بالارض و الشيخان
بامر الله اللي ودهم بيصير= زان الزمن و لا عسى مازان
لـــو الشعر يوفيكم التقدير = بتلت به وانا طليق لسان
واقول لعيونك كلام كثير= ي ابوظبي يا سيدة لـ اوطان