[برهان المناصير]

ما لوم قلبك


.



أنا ما لوم قلبك لو جفاني
......... وما لوم المدامع يالحبيبه

غريب الفكر عايش في زماني
........غريب الحب في دنيا غريبه

كفاني شي في قلبك خذاني
....... لدنيا غير مع طيفك عجيبه

وكفاني من خيالي ما سقاني
........ بيوم القيظ اشواقي خصيبه

سواد الليل مع طيفك عطاني
........ وطيف الشوق قلبك ما دري به

عطاني من هماميل المعاني
....... سحايب هم تمطرني كئيبه

أبنثرها مدامع يوم جاني
....... بصفحة قلب يشجيني نحيبه

بكيته لين جا روحي ورثاني
....... بكاني طيفك الغالي بطيبه

ألا ليتك تشوفي من رواني
..... أهيم وكنك بجنبي قريبه

عيونك صارت الـ قلبي مواني
.....وعيني تشكي حرّات المصيبه

ترى ما هو بذنبك من يعاني
..... فؤاد الحب يحرقه ويذيبه

خيالاتٍ تسربل بالأماني
........ يبي قلبي سهيلٍ من نصيبه

يبيها مثل السنين الثواني
........ يبيها والليالي كم عصيبه

يبي صوتٍ حنونٍ كم شجاني
........ يرافقه الليالي وينتخي به

وما يدري بذوره والأماني
........ تموت بقلبك الحاني غريبه