18/03/2015, 08:36 PM
|
#4
|
|
مشرف صدر الغمام
|
دفى العصافير
( 4 )
اشلون ألملمني وتدفى العصافير
اللي ذبحها البرد سبة جفاكم
علم فؤادي يا كثير المشاوير
اشلون أبمنعها المدامع وراكم
يوم المشاعر في فؤادي نواوير
جتها السنين الماحلة من تلاكم
النرجسية في فؤادي غدت غير
من صورت لي بالمحبه حلاكم
بين الجفن والعين متحف تصاوير
شف السهر شاهد علينا معاكم
خايف على زهري يمل المعاذير
ويجف قبل الشوق يرويه ماكم
من هامت بعقلي هجوس التفاكير
ما عاد أشوفه غير ساكن مساكم
ياليت فيكم ينفعن التعابير
وأرقى بحرفي لين أعانق سماكم
وأنثر حروفي ما أخاف المحاذير
ويصير وبل الديم غاية مناكم
برهان المناصير
|
|
|
|
|
|