إملاءات المطر - عرض مشاركة واحدة

**برهان المناصير** · 18/03/2015, 08:35 PM

(طعم الموت)
(3 )
لي صاحبٍ ينصى ويسأل عن الموت
..................وده بذكر الموت يقرا قصيده

والقاف بالبستان يقطف لنا التوت
...............وشلون طعم الموت ودك يريده

يا صاحبي والموت يحصد بلا صوت
...............ما يعجزه حد الحقول المديده

والله مصيبه تترك العقل مبهوت
...............كم نزعة الروح المريحه شديده

قبورنا قصه ليا صارت بيوت
...............ختامها بعث وحياةٍ جديده

حفره ولكن جنة الخلد مبخوت
.............اللي مهدها قبل يسكت وريده

واللي طغى يندم على لحظة الفوت
.............حفره ولكن نار سوده وقيده

لا جيت تسألهم تلاقيهم سكوت
...........تخلط ترى ما بين عبدٍ وسيده

قبر الجحيم اللي به الهم مكبوت
............وقبر النعيم اللي تبسم وحيده

يا صاحبي والقاف بي غص بالتوت
........لا جاب طار الموت عاف القصيده

برهان المناصير