[عبد العزيز الجرّاح]

سهران فيني من الاوجاع ديره !=يعني حزين وضايق الكون فيني !
ودي أسولف للعيون السهيره =ودي أفضفض بين قلبي و بيني !
"درب المواجع" مبطي وآنا أسيره !=بين الألم والهم ضاعت سنيني !
الحزن يسكن في ضلوعٍ كسيره != وحلمي فقدته وش بقى في يديني !
ملّيت يا حظّي وانا اقول: خيره != تعبت ياعمري وانا اقول: ويني.؟
أصبح وأمسي على همومٍ كثيره != وسمعي تعوّد على كثرة ونيني !
واللي مثل حالي الله يجيره != صعبه يعيش العمر كله حزيني !
يالله تهوّن هالدروب العسيره = كل الفضا يالله ضيّق بعيني !
ودي بقلبٍ ما ألاقي نظيره =يوقض شعور الحب ويا حنيني !
واكتب بيوتٍ في غرامه جديره= واعيش له عاشق واموت ويبيني !
درب المواجع مبطي وآنا أسيره != وحلمي فقدته وش بقى في يديني !
ملّيت يا حظّي وانا اقول: خيره != تعبت ياعمري وانا اقول: ويني.؟