[أحمد بدر]

المشاركة الأصلية كتبت بواسطة يوسف عزت

اهنا يمن چنه وچنت .... موطنّه راح اتفرهد
يلچمني ظل جرح الوطن .... نزلت دمعتي اعله الخد
دم اخوتي فاض الارض .... واعله الدرب متمدد



أحمد البصري

اهلا بك واهلا بقلمك

إهنا يمن چنّه و چنت موجتنه تعلَه وْ يَلمد
الشّرجي لُوْ هبّ اصَّبحْ طاح الجَزر وتبدد
أمسح دمعتك يا رجل موطنّه سيف أمجرد
يا محلى صبعك يا شرف من دمنا صار امحدد


طال الدّرب يا ثرب چلچل علينا الليل
ضيَّع وتاه البدر من دوّر أعـ لـَ سهيل
لا بيَّ حثّ المشي لا بيَّ شدّة حيل
ثكّلني حبّك ولكْ خلاَّني مايِل مِيل
خلّي انتعلّل سوى ونغني ليل اويل
نوكد مواكد عشك تندّه فراش اللّيل
نطحن هوانا اكهوه وننثر عليه الهيل.
.

الشّاخه يبست ولك ,تعتب علـ لخارور؟!
والكاع صبخه ملح صخرجت صارت بور
ما ندري هاذ الوكت أعمى ويلف ناعور
حسباله سيده المشي ما يدري بس ايدور
الچّذب صاير صدك والصّدك صاير زور
لغراب منـّ ـنلزم دزّو على الزّرزور
إبْشر, كفيلك أجه طيّاري عـ ـزّعرور



يوسف عزّت
رحّبتَ عراقيا
فجاء الرد عراقيا
"بالعراقي"
تسلم أعيوني