[محمد الفيفي]

.

عبثتي ..
في دواويني ..
وغيرتي ..
عناويني ..
شطبتي صورة احلامي ..
جرحتي روعة ايامي ..
تعبثتي ..
في تكويني ..
سرقتي ..
أجمل اغصاني ..
مليتي ..
وقتي باحزاني ..
سرقتي ..
كحلي من عيني ..
غريبه ..
ياوجع روحي ..
غريبه ..
يا وهم حلمي ..
غريبه ..
يا تعب كلي ..
غفى عقلي عن أفعالك ..
وحضنتك في شراييني ..
تحملت أبشع أخطائك ..
تجرعتك ..
سكاكيني ..
مشى صمتي ..
مشى صوتي ..
مشت لك رعشة بيوتي ..
ركضتك لآخر أبعادك ..
سحبتيني على موتي ..
بعد مانتي سكنتيني ..
أنا التايه ..
أنا المجنون ..
أنا الأبله ..
أنا المشلول ..
أنا اللي ..
كل غباء هالكون في عمري ..
أنا اللي صرت ..
في عيون الزمن ..
بهلول ..
أنا اللي ..
ضاعت ايامي ..
باسم قاتل ..
وأنا المقتول ..
غريب أمرك ..
يا هالدنيا ..
عبثتي ..
في دواويني ..
وغيرتي ..
عناويني ..
تعبثتي ..
في تكويني ..
ورغم ..
جورك على صبري ..
حضنتك ..
في شراييني ..

.