[مشعل الضويلي]

حصري لموطن المطر


سحابه كل ما جبت الدفاتر والكتب و الحيل
............. تجي بين الدفاتر و الكتب بالحيل تشغلني
..
ولا به شي يا كود المسافه و الوله و الليل
.............وحلم ٍ انقله وان ضقت من دنياي ينقلني
..
تعبت ودربي اللي تحت رجلي له سنه بالميل
.............قدر عن صهوة امجادي و تاريخي ينزلني
..
ياخوي ان مت ثم فاح الفخر من هامتي والهيل
............. امانه قل لـ ضيوفي و لـ ادلالي تحللني
..
واذا شفت المطر وده يعزي ربعنا بالسيل
.............قبل لااصير في قبري امانه فيه غسلني
..
تشيب العين من بعد الحبايب ياوطن بالحيل
.............وانا اكتب لك و لا به شي يا داري مزعلني
..
سوى زحمة مشاعر والمسافه والوله والليل
............. ودرب ٍ ما قدر عن صهوة امجادي ينزلني