.
.
( عَبَث طاووس !! )
تصبّ الجوع في عيني مطر .. واقول زيديني
____________________ كذا و بكِلْ برود اضحك .. كأني " واحدٍ ثاني " !
تحاول قدّ ما تقدر .. تبعثر ما بقى فيني
____________________ و احاول قدّ مافيني ألملمني " على شاني " !
تمررني على ذاك اللهب .. بشويش تسقيني
___________________ رذاذ التوت ذوّبني .. و خمر التين سجّاني !
تغنّيني على لحن الطيور .. تعود تحييني
________________ و تتعملق كذا بـ صدري .. ملامح تعْقِد لساني !
تِنَرْجِسْني "عَبَث طاووس" .. ثمْ ترجع تورّيني
__________________ مكاني بين قوسين وحنايا .. " هذا عنواني "
لئيمة .. تَعَرْف شلون إلى غابت تخلّيني
__________________ أغنّيها و اغنيني .. و ارتّل أعذب الحاني
ترتبني و تآخذني .. لـ خلف الشمس ترميني
________________ طويلة رحلة الطاووس .. خطير المشهد الثاني !!
شَغَبْ أطفال تكتبني .. بـ جرّة رمش تمحيني
_________________ وانا واقف على حدّ الهدب .. يمكنّي القاني
و ادوّرني ورى هـ التوت اناديني : أنا ويني
____________________ أليمة فكرة الموقف .. إذا قلبي تحدّاني
كذا غنّيتها البارح .. كذا كانت تغنّيني
_______________ عناقيد الرجا تزهر .. لا قالت لي : على شاني