أول الضوء/
إرتشافة ألم..
تغلغلت بداخلي..
صدمة.. صدمة..
ولا عجب لصدماتي..
إذ هي الدافع الأول لنجاحاتي..
.
النص/
لا تطرق الباب حزن الباب من قده = خله على الضيق والأيام تحيا به..
محتار/ عايش على الأحزان مع سده = يا شينها يوم كل الناس تجفا به..
خلوا مزاليج بابي واتركوا شده = ما والله أكشف عن الأسباب وغيابه..
يا كثر ما تطرق دموعي على خده = ثم أرتشف كأس صمتي والحزن غابه..
وأقرا تباريح ليل طال ما هده = كثر العنا والشقا والحزن وأسبابه..
أسأل عن اللي غدا بالحلم وش حده = يطعن لي الضلع ويسافر على أسرابه..
وأحسب خسارات حلمي وأخطي بعده = وأرجع وألملم كسور العد وأتعابه..
لقيت عزمي يضيع وماش من رده = ولقيت صدري يضج ويطرق أبوابه..
عرفت بأني وحيد الناس من ضده = وألا أسألوا الشعر طرق الحزن وش جابه..
مدري هو القلب يقوى البعد من جده = مصدوم وألا تعود صدمة أصحابه..
لا تطرق الحزن خل الحزن في مده = وأحذر تغص وتسم القلب بعتابه..
آخر الضوء/
شمعة لا تذيبها قسوة الأقدار..
خلود العطاوي