[برهان المناصير]

الجرح الأول
جرح غدرك يا حبيبي ما يطيب
........... في فؤادي طعنته مثل الرماح
ما يفيده يوم فرقاك الطبيب
.............من يجسّه قال خلاني وراح
يلتهب لا زار طيفك يا حبيب
..... من عقب فرقاك ما يوم استراح
كم تحراك الفؤاد وما تغيب
......... عن خياله يوم يا سيد الملاح
كم سهر ينطر يشوفك من قريب
....... يا عساك تمر مع نور الصباح
من يناديك المولع ما تجيب
..... ومن عيونه تختفي خلف الوشاح
قلت يا قلبي ترى امرك عجيب
............ما هقيته يوم يرجع للمراح
يا حبيبي خبر القلب الصويب
........وش نهاية طير مكسور الجناح
وش نهاية بخت دومٍ بك يخيب
.........لي ضحك يومن وتاليها نواح
قلبي المجروح امسى بك عطيب
........ما هقيته يوم يهديك السماح