السلام عليكم ورحمة الله وبركاته
قصيده اتمنى ان تعجبكم
عرفت الســـعد فـي قربك ولكن للأسف ما طال =رحلتـي والفرح بـعدك اسيـرٍ خلـف قضبانه
وصار الحـزن في صدري سفينة تعشـق التّجوال = خذت من قلبي المرسـى وهجـرك كان ربانه
يقولون الحزن يـولد كبير وتصغره الاحوال =وحال الحول من بعــدك وباقي الحزن في شانه
حمـلت الهـم يا ثقله يعـرف الحمل منهو شال = وسهرت اللـيل يا طوله بعـينٍ حيل ضميانه
ولامنه خذانـي الشوق اشّغل مطـربة الاطلال =واردّد بعــدها الكلمة بصوت ضاع ميزانه
اراجع صفحه الماضـي ويبـدى داخلي موال = متى يــا رحله الغربة يعـود الطـير لاوطانه
ذكرت الحال في قربك واطالع كيف صار الحال = حمدت الله على حالي وهـو المحمود سبحانه
طلبته ربـي الوالي يـفرج ضـيقةٍ بالبال = ويجعل خاتم اعمـالي يقـربني لرضوانـه
وســــــــــلامـــــــتـــــــكـــــــــــم