فخدر الليل مستانس على نجمة سهيل الليل=وهو حوله من الذكرى أسامي ساكنه فيني
يراودله حسن عبله وليلى مع صهيل الخيل =وجو الكاهن العابد بدون شعور يدعيني
توشح جسمي الباهت نوار الباسمه قنديل=وطافت بيننا نزوّة بروح الحب تلفيني
يداعب نحرها ليلن حريرٍ جايب التأويل=تعداه السكوت اللي وجوده صار يهديني
تمضمض عظمي الدافي وصاحت عيننا تهليل=جهير البرد يعصفها ونار الحب تدفيني
فضاها ليلته عذراء يصافح نجمها تقبيل=تشاكي فيني احساسي وصار الحب يشكيني
أمانه هزت اطرافي حروفك وابتدا تشكيل =يجن الفكر من نفحك وروحك ساكنه فيني
ألملم مجمع أشلائي واقاسم وقتك التنكيل=إذا جالك تناديلي حروف إسمك تناديني
أنادي سوسن أحلامي وأجر السين جنب السيل=عشان اسقيك من نبعي رهانٍ كان يعنيني
أعوف الغير واكتب لك شعورٍ م انبنى تسجيل =أصوم الهم واهديلك حروفي يامنى عيني
خذيت العهد من ربي تكوني نجمتي وسهيل=عساها دنيتك راحة وحبك دوم يغنيني