مـدخـل :-
ليت ورد الكون كله
مقبلٍ كله عبير
المطر والديم هله
والحصى وسط الغدير
والفراش اللي يبله
الندى ساعة هجير
انتثر بالقلب دله
عن معاني فيه غير
اجمعه كله واقله
المدح باحمد يصير
مثل كوكب تستحله
والمشاعر ما تطير
امدح اللي ما يجله
غير مؤمن بالمصير
ليت لي قلبٍ يطير ويستعير=مجلس البدر وسبق نصف الشهر
يوم في كبد السماوه يستدير=عـ ..الخلايق كلها نوره ظهر
يسمعوني يوم امدح من ضمير=النبي ذكره مع العطر اشتهر
النذير اللي شهيقه والزفير=صار ذكر الله سره والجهر
البشير ,العاقب, سراجٍ منير=ذل شيطانه تولى وانقهر
الحبيب اللي غدا ماله نظير=من ثباته ذل كسرى وانبهر
المشاعر ليتها مثلي تطير=تستحل نجومها, يحلى السهر
ترسم حروف القصايد من تسير=والليالي تبتسم طول الدهر
والفضا ليت الفضا كله يصير=صفحه واملاها لأحمد بالزهر
ليتني ياليت جايب شي غير=وليت شعري صار للجنه مهر
مـخـرجـ:-
صل يا ربي وسلم
عـ الحبيب وآله الأخيار
غيرك احدٍ للرجاوي
ما يجيب نواله اليا حار
لا لفى غرد على الغصن
الرطيب وشاله اليا زار
طير سيّل دمعتي ساعة
مغيبٍ جاله وما طار
جا من الغرب وتعذر
بالنحيب وقالها اخبار
لا لفى ضايق به الكون
الرحيب الـ حاله ولي جار
والشجر يبكي وأوراقه
تشيب وجالها باكدار
قال سبوا عـ النبي سبوا
الحبيب وآله الاطهار
رحت أنا والطير كنه
ما يجيب فـ .. باله المحتار
ما دريت الموت جا
وإلا كئيبٍ حاله وما طار