من جلبك الله بالحظّ الجميل = عن جميع الغيد شفتك فارقه
ومن زرعك الله في "صدري نخيل" =شامخه ياروح روحي شارقه
ولو تهبّ الريح غصنك ما يميل= انتي اللي للخفوق البارقه
شاعرة والشّعر في بدعك جزيل = تبدعينه يوم غيرك سارقه
لو أدوّر وين بلقالك مثيل = ما أبالغ لو أشوفك خارقه
ومن خذاك الوقت والحظّ البخيل = كل لحظة في غيابك حارقه
لا تخلّيني على جمر المليل = انتظارك شي صعب آطارقه
خافقي والله مجنون وعليل = يوم روحي في غرامك غارقه
وان تجيني سعدنا كان الحصيل = يا غصونٍ في عروقي وارقه
للعمر تبقين في صدري نخيل= باسِقه ياروح روحي فارقه