الفراق
الا يومن نويت الهجر جاني
حروقٍ بالحشا زادن لهيبه
غيابك نار تلظى في جناني
ترى قلبي شفوقٍ لا تذيبه
ألا من لي بطيرٍ لا شجاني
نحيبه زادنا شوقٍ نحيبه
يغرد ثم يهاجر كن عداني
بنوحه زادني فوق المصيبه
اريد الطير يرجع والزماني
اريد الطفل يرجع من مشيبه
فراق الصاحب الوافي شقاني
الا يا رحمة اللي لي يجيبه
الا يا ربّ ترحم من يعاني
غريب بديرته روحه صويبه
رحيم و رحمتك فوق المعاني
إلا من يطلبك عاني تجيبه
ترد الما سحايب ما تواني
ويحيي زرعنا وبلِ يصيبه
