[عبد العزيز الجرّاح]

تموت غيض وتشرب عروقها غل = وتعيش جلّ ايامها فاقده ضي
ناسٍ تدوّر للضيا عاشت بظل = لو كان تقوى تطوي ادروبنا طي
الحقد يعمي من غدت عيشته ذل = حتى يصير يشوف نفسه ولا شي
الحنظله ما يوم يـزهر بها فل =الفل تلقى ف.البساتين له خي
ما كل غصنٍ لينٍ تحسبْه عل =ولا كل جذعٍ واقفٍ تحسبْه حي
ولا هو مبرر تسرق الناس من قل = إن راودتك النفس بـ.امر الردى عي
وادمح وسامح من معك مرةٍ زل= لكن تذكّر آخر علاجه الكي
ما فـيـه صعـبه بـالزمـن مـالها حل=ولا فيه حي إلا ويحتاج للـمي