.
كيف أنام ؟
والحمام اللي هويتَه ,
[ طار ] مِنْ عِشّ الغرام .. !
لـ المدى , طَيّرت صوت ..
انتظر لو بالصدى ..
ألقى حديث !
يصرخ بْوجهي السكوت ..
ضعت في دنيا الكلام ..
والطلب منّي حثيث ..
لـ الحلم ..
أرجوك لا ,
[ لا تموت ] ..
لي طلب واحد شهقتَه ..
وأنت أكثر مِنْ عرفتَه ..
بالعناد , والجروح ..
ما أظنّك وحدك اللي :
فيك نوم ..
حتى أنا ودي [ أنام ] ..
أكسر الحاجز وخذني فيك روح .. !!
* * * *
السوالف , والأماني ..
في زوايانا القديمه ,
والرفوف ..
ذكرى , تكتبني حروف ..
كم شكت لي مزهريّه ,
دمعها عيّا يطوف ..
وأنا وحدي ..
ماسك الحسره بيّدي ..
أدفن الدمعه اليتيمه ..
بين صبري , والرصيف ..
ألتحف بالبرد , [ عاشق ] ..
في عيوني مِنْ وداعك ,
يا , وليف ..
صوت دمعه , يستغيث ..
باسمك الشفاف ناطق ..
خاطره إحسان شمعه ,
أو هبوب ..
تمطر الدنيا ربيع ..
ملّت أحضاني معك ..
[ فصل الخريف ] ..
أكسر الحاجز وخذني فيك روح .. !!
* * * *
كم لي أتحاشى فراقك ..
ما أبيه ..
والله إنّي ما أبيه ..
آنا أتغنّى بوصلك ..
وأنت تقطعني شهور !
بلّ ريقي ..
أحرق الغربه وبادلني الشعور ..
آنا طفلك ..
والعطش وَقّف , طريقي ..
ما تحسّ !
مرّني لحظه وسافر ..
[ لحظه بسّ ] ,
رَجّع الطير لـْ مكانه ..
حتى لو خانه زمانه ..
لا تخاف ..
ضمّني أكثر معاك ..
هجرة الأنفاس صعبه ..
وأنا قلبي ما هو لِعبه !
في يديك ..
شفني متشَرد أدور للنّهار ..
كل وقتي في غيابك ..
[ احتضار ] ..
والحياه لحظة عناقك ..
يا حبيب ..
أكسر الحاجز وخذني فيك روح .. !!
.