[محمد الفيفي]

.





كيف أكابر ؟!
وأنت ِ والأيام ضدي ..
والأمل ما فيه حيل ..
خطوته تاهت ..
في [ عينك ] ..
بعد سيل ..
مِنْ مدامع سيّلت وادي الحقيقه ,
وأغرق الوَهم احتمالي ..
بالعبور ..
شطّك الآمن نساني .. !
قبل ما يرمي كياني ,
للثبور ..
والرحيل ..
قصة المشتاق بين العز
لو يلمس رغيفه ..
وانكسار الصبر ,
في شارع , [ ذليل ] ..
خوف لو يرجع خريفه ,
مِنْ غياب ..
يطعم الجيّاع آهات وعذاب ..
طول ليل ..
سرمدي ما فيه خير ..
والشمس عندك وإشراقك بوقتي مستحيل ..
علميني وقتها , وين الرحيل .. !!

* * * *

كيف ما هَمّك تجين ؟!
كيف تغتالين ,
أصوات العصافير الحزينه ,
في سنابل , مِنْ حنين ..
كيف مينائك ,
يباعدني عن دروبك ..
ويتركني , حزين ..
كيف يرضيني السفر ..
في عيوني مِنْك ..
وعيوني مِنْ الحسره ,
تبين ..
جاوبيني ..
صرختي صارت [ مدينه ] ..
مِنْ سنين !
سالفة صمتي , من الغربه ,
خذتني ..
حتى أبحث عنك ..
في وجيه العابرين ..
يمكن ألقى لِك فجر ,
وإلاّ شبيه ..
أرسمك إشراقه لاحت ,
في زحام الغائبين ..
وأدري إنّك مستحيل ..
ودي أنسى , علميني درب يمشي للرحيل .. !!

* * * *

عاريه , شْفاهي تلَبّسها العطَش ,
جففت كلمة [ أحبك ] ..
وأرتعش ..
نبضي مع حرف القصيدة ,
واستعاذ ..
واليأس غير الأماني الخايبه ,
في كل خطوه ما فرَش ..
وأنت ِ بعيدة ..
ما سألتي لو سؤال .. !
حتى الرذاذ ..
من يدين الزهر حنظل ,
شي غريب ..
محبوبتي , ما تستجيب !
وين الملاذ ..
كفّني وَصْلي , وصَلّي ..
شيعيني ..
دقي في هذا النّعش ..
[ مسمار ] ..
مِنْ آخر مساميرك ..
وقولي : للنهار ..
راح ما شاف النّهار !
هذا أحسن حل للنّسيان وأكثر ..
هذا معروف الرحيل .. !!









.