03/07/2010, 05:04 PM
|
|
مقفي لحالي
|
|
|
|
..[ بدون عنوان ]..
عدنا لكم بـ / هذه البسيطة ..
على أمل أن ترقى لذائقتكم ..
القلب مل النـآس ورد ومصادير= والعد جف وجفت الروح ويـآه
حتى احاسيسي وشعري مدابير= والجرح صـآر احلى بعيني ولاماه
خذ من ضميري شعر وافي بتفسير = وخذ من عذولي كذب صافي ومحلاه
الضيق ضيق الحال يا صاحبي غير =مـآهو بضيق النفس والفقر والجاه
همّي غدى حلمي بنومي وتعزير= ويـآ شينهـآ لا صرت ناسي محياه
لكن مدام ان المواصل مخاسير = في نظرته وانها رخيصة لعيناه
وانها كرم منّه ومنّة وتقزير = وانها لهيب الحر والقيض ودفاه
قلّه عسى دربك سهاله وتيسير = وتلقى خشيرٍ يضحك اليوم لبكاه
بعز نفسي عن دروب المقاهير = وقلّه تراني ما توطيت لرضاه
دنّقت راسي للمحبة عسى خير =والرابح اللي عز راسه ولا ادناه
وان دارت الساعه لعشا الطير فـ عصير =نوّخت ركبي شاري الدين لله
واذنت مغرب والدعاوي تياسير = وصليت فرضي مذعن لرب انشاه
واناشدك يالله والي التدابير = ترحم فوادٍ ضآع في شف مضناه
وتعوض الملتاع طير ومصاغير = علّه يداوي جرح امسه وليلاه
.
.
.
|