.
كثير الهم !
تعبت أقول له كافي ..
ولا , يهتَم ..
قفلت الباب ..
كسر قفلي , على بابي ..
وكان الدم !
مِنْ جروحك ,
وش أكبر مِنْ جروحك لي ؟!
بديت بْهجري ..
والبادي ترى أظلَم !
وأنا المسكين ..
ما , أظلم ..
دفعني لك , وغَررني حنيني لك ..
بدون أعلَمْ !
رضاك إنّك : تجافيني !
وأنا [ العاشق ] ..
ولا , فكرت في غيرك ..
وقلّي : كم ؟
مِنْ الآمال في بُعدك تطيح أشواك !
وكم , [ موعد ] .. نسيتَه ,
مِنْ , هِنا .. وهْناك ..
وأنا , الباقي ..
على , [ ذكراك ] ..
إذا صادفت لِكْ عاشق ..
يحبك , كثر حُبي لك !
تعال وقول :
وأنا , راح أحرق إحساسي بعد ما أحترق , وأنساك .. !!
* * * *
قبل , كنّا ..
نهيم .. ونعشق اللّحظه ..
عشان اللّحظه , تجمعنا ..
وخَلّفنا .. ورانا .. [ دَمعْ ] !
نحَدّث , بَعْضنا ..
بالصمتْ .. !
ويكفي , عن مودتنا ..
شهاده , مِنْ مواني أمس ..
نسيتي , يوم عانقنا , بعضنا ..
والسّفَر لـ الشّمس !
نسيتي , كلّ شي حتى ,
تدور الأرض , يموت النّاس ..
ولا باقي , معانا .. في يدينا شي ,
سوى شُعله عليها اليأس !
ووين , الشّمع ؟!
يغيب , تناظر , العَتمه ..
يموت الهَمس !
ولَكْ .. منّي ,
إذا صادفت لِكْ عاشق ..
يحبك , كثر حُبي لك !
تعال وقول :
وأنا , راح أحرق إحساسي بعد ما أحترق , وأنساك .. !!
* * * *
توادعنا ..
بعد , ذكرى الوصال ..
وسيرة العَسجَد ..
هشيم , الحاضر , المرّ , العنيد
المنتثر آهة ..
على , المَرقَد !
كسانا , واستمر , وخالط الباقي ,
مِنْ المشهَد ..
أحبك أمسنا الأول ..
وأولنا , تحوّل ..
ما رحم شيب الهوى ..
بعد اللّهب رَمّد !
لذيذ العاطفه تشكي ..
بعد , ما كانت لْـ محراب [ عاشقها ] ,
تجي , تسجد ..
كرهت آهييييم ..
وقررت أهدم أسوار الزمن ,
بيني وبينك , وأحرق المعبَد !
وقلت : أستغفر الله ,
مِنْ عشق طاغي , خذاني ,
حتى صار الحَظ [ أسود ] ..
وفجأه , جت وأنا كاره !
وضعت , وتاهت الخطوه ..
وأنا , رايح .. إلى [ المسجد ] ..
رجَعت , ويَدّي , في يَدها ..
وكنت أكذب إذا بنساك .. !!
وكنت أكذب إذا بنساك .. !!
وكنت أكذب إذا بنساك .. !!
.