[محمد الفيفي]

.







مشغول بـ إحساسْ , داهم لي سْباتي ..
شمسي , تبي ظل ..
ومن حولي , اليأس ..
لا تجرحي , قيدي .. أصابعي , خوف ..
لا , تكسري بابي ..
الموت , مكشوف ..
يا خطوة الغربه ..
سافرتْ , مثل النّاس ..
لا , تزعلي منّي ..
باقي , معكْ أنفاس ..
ياللي : وَعَدْك هموم ..
وتقول : ما أدري ..
حاولت مَعْ صَبري , ما طاعني , صَبري ..
واخترت , أسافر يوم .. !!

* * * *

أستعجلكْ وأشتاق ..
وتستعجليني , غياب ..
وأكتب لك الكلمه ..
وتعود لي كلمه ..
مْعَلّقه .. بـ [ فراق ] ..
وأضمّها فيني ..
تشهق , شراييني ..
ويمرني غيري , وأموت من ناري ..
قسا .. على أزهاري ..
حامل مَعَه , طيري ..
ودمعي , يشق أوراق ..
ياللي : وعَدْك هموم ..
وتقول : ما أدري ..
حاولت مَعْ صبري , ما طاعني صبري ..
واختَرت , أسافر يوم .. !!

* * * *

خيانتكْ تختال , مثل البَحَر والموج ..
ومابه يباس إلا ّ :
[ في قلبي , الموجوع ] ..
وآهات شوقي , مِلحْ ..
واللي : بدا بي جَرحْ ..
واللي : انتهى بي جَرحْ ..
ما به , رمل مينا ..
ولا , دليل رْجوع ..
ضاعت أمانينا , مِنْ كَفّها المرفوع ..
تْلَوّث خيانه .. وأهداني أكفانه ..
مِنْ خنجره المسموم ..
ياللي : وعَدْك هموم ..
وتقول : ما أدري ..
حاولت مَعْ صبري , ما طاعني صَبري ..
واخترت , أموت اليوم .. !!








.