[نمر العتيبي]

السلام عليكم ورحمة الله وبركاته
للتواصل مع رقي افكااركم وللتزوود من جميل
ارااائكم هذه البسييطه والله يديم التوااصل

ضيعتني بعيونك وتاه فكري=وخليت نارك بالحشا دوم حيه
وبعد طلاسم نجلك أمسيت اهذري=تكفى طلبتك حن وأرفق عليه
ترى خطير القلب بيشق صدري=وأصير في لحظه لعينك ضحيه
والشوق من كثره كسر حد صبري=وفوق احتمالي هالجروح ألنديه
ألي دواها عندك وحسب خبري=عـطـنيه لا يبلاك رب ألبريه
تكفى قبل لأبيح للناس سري=وتحسب عليه كلمتي لك خطيه
ادفع ثمنها باقي أيام عمري= وتندم على فعلتك صبح وعشيه
يا للي لك الإحساس في الروح يسري=وبين الضلوع العوج تسمع دويه
وأنفاسك تطفي لواهيب جمري=وفي قربك إلقاء عن لظى الشمس فيه
أطالعك وأضيع أزمامه أمري=وأنسى الجميع أن قلت يالله حيه
واعزف على أوتار الغلا لحن شعري=وأقدم أجمل ورد في مزهريه
والحال بعدك يالغضي صار مبري =وقدمت روحي يوم شفتك هديه
وان كان في درب الهوى صرت عبري=ترى العشق شدد ضلاعة طميه
ومن لامني بعد حكيت اله عذري=ما همني لو زود الكي كيه