عذراعلى طول الغياب
الليل هذا كريه و يتسم بالخصام
............ و أنا بربي قوي لا قلت يا الله تعين
اللي مسير ( محمد ) بعد كسر العظام
............ سبحانه أقدر يخلي هالليالي تزين
حبيبتي و العتاب يفج نحر الملام
............ عليك ما أدري ؟ على باقي البشر أجمعين
لا تجبريني أغني و الأغاني حرام
............ الشوق يعزف لحن و الشعر ناي الحزين
مبطي سجنت الشعور اللي عليه الكلام
............ و اليوم من جور حكمي صحت صيحة سجين
تدرين ش/أقسى من الفرقى و ذكرى الغرام
............ أني عن الناس شاعر منعزل من سنين
كم من حناجر قرت { على طموحي السلام }
............ يوم الاماني أهلكتها نظرة الحاسدين
الناس إذا أحتجتهم يزيد دربي ظلام
............ و إذا تعثرت شفت الناس متجمهرين !!
طبيعي .. الطيب عمله في يدين الكرآم
............ مير الكرآم بزماني صاروا إبلا يدين !!
كنت أحسب الوقت هذا وقت ناس"ن" حشام
............ و أثر الزمن مثل ناسه كل ماله يشين
لاني أشوف الأماكن تتجه للهدام
............ مجبور أعيش ب/منافي في زمن راحلين
هروبي بحب أنثى عن جميع الأنام
............ خلى مقام القصايد من مقام الحنين
و أنتي على جال فكري للقصايد مقام
............ يزورك البوح .. فكره .. لا ملكني الانين
يتعبني الوعي لين أحد عيني تنام
............ و لا أدري الا شوي شوي طيفك يبين
فيني فرح ما بلغ عمره سنين الفطام
............ ما زاد عمره لانه منتظر ترجعين
تعبان جيتك حنيني ممتلي بالهيام
............ أسال .. متى أفرآحنا تنجب بنات و بنين
أرضي صحاري و شفتك في عيوني غمام
............ قلت { أدعي الله } تزهر تربتي ياسمين
لعيون تقراء
م/ش