[محمد الفيفي]

.





أخت الغياب .. أنت ِ
وأنا .. ماسألتك
ليش غبتي ؟!
رغم هجرك ..
رغم نسيانك وصدك ..
والسراب ..
لكن إنّي طالبك ..
هذا المسا ..
لحظه تعودي ..
مو عشانك .. أو عشاني ..
أو لجل .. تحيا ورودي ..
إنّما لجل المسا ..
هذا هو آخر مسا ..
في دفاتر هـ السنه ..

* * * *

أدري إنّك لاهيه ..
والوقت يسرق ..
والسنين اللي تعيش الحُب ..
تَفْرق , أو تفَرّق ..
والعُمر فرصة تلاقي ..
وإنت ِ مشغوله .. في ذاتك ..
والشبابيك الحزينه ..
ما تموت ..
حتى لو كانت تعاني ..
ما سألتي كيف صارت ..
صدقيني ..
هي بيوت ..
عاشت وصارت أماني
من خيوط العنكبوت ..
ولو عشاني ..
لا تعودي ..
إنّما لجل المسا ..
هذا هو آخر مسا ..
في دفاتر هـ السنه ..

* * * *

وإن عطيتي ..
هالمسا من جزء وقتك ..
يعني جيتي ..
آخر أوراقي حنيني ..
أجمعيها وأحرقيها ..
في نفس ذاك المكان ..
يوم ضمّينا يدينا ..
وقولي : في رقه وتيه ..
ما علينا ..
وإنْ جفيتي ..
يعني ما جيتي ..
بسامح ..
وأخلق أعذارك
نسيتي ..
وفي هبوب الريح ..
بأرحل ..
وأحلف إنّي ما أصافح ..
غير دمعي لو يطيح ..
ومو لأجلي ..
لا ولا هذا المسا ..
لجل أدفن ..
آخر إحساس الأسى ..
وعنْك أسافر ..
من دفاتر هـ السنه ..







.