السلام عليكم ورحمة الله وبركاته
أحبتي أعضاء ورواد هذا الصرح الأدبي المميّز .
هذه أبيات متواضعة بمناسبة قرب حلول الأمطار والربيع إن شاء الله .
أرجو أن ترقى لسمو ذائقتكم الشعرية الرائعة..
هلي مزونك ياسحابه هماليل= أروي ديارٍ تشتكي من ضماها
محّلا مزونك ناشيه بآخر الليل=وصوت الرعد والبرق ضوى سماها
وتمطر وتسقي كل جذرٍٍ بها محيل= وبارادة المعبود يخضر فلاها
ومتشوف وادي غير يدرج به السيل= وعم الفرح حتى الطيور بفضاها
سيلٍ ترّوى منه كل المحاصيل= بعد الجفاف اللي إميبس ثراها
وطلع الزبيدي يغري الناس بالحيل=في روضةٍ كل الجمال أكتساها
وريح الخزامى والنفل والاكاليل=لاهب نسناس الصباح احتواها
وتزين في جو الربيع التعاليل=وسط الفياض اللي نقي ٍ هواها
في جلسةٍ تجلي هموم وغرابيل=بالغيمه اللي مانثرت كل ماها
وتبعد عن اللي همه الربح بالكيل= ونفسك عن الضيقات يبعد عناها
وتسمر على دلالٍ تعطر من الهيل=والحيل تذبح ماحسبوا في غلاها
ما قدموا وجبات هرفي ومنديل = أصالة الاجداد عشنا معاها
وتسج بديارٍ عليها مداهيل= وياسعَد نفسك لا تحقق مناها
هذا هوى بالي ولا لي مداخيل = بذواق ناسٍ ربها اللي عطاها
يارب أملنا بالليال المقابيل = تحقق الغايات للي بغاها