السلام عليكم ورحمة الله وبركاته.
اخواني واخواتي اعضاء ورواد هذا الموقع الاعلامي الرائع.. كل عام وانتم بخير
وادام الله سعادتكم وافراحكم..يسعدني ان اضع امامكم ابيات متواضعة للتواصل معاكم ودمتم بكل خير..
أنا لجزلات القصايد تعنيت= ادركت للمعنى ولا حيرتني
أصوغ معناها وفيها تماديت=وكتبت عذب الحونها وطربتني
لي فكرة ٍ دونتها ما تمنيت = بقوة خيال وفكرتي ساعدتني
لادق هاجوسي وللقاف ناديت=المفردات أنواعها ما عسرتني
سطرتها بحروفها ما توانيت=وأجمل معان أبيوتها حالفتني
مانزل بها بعال المراقيب عديت =وأعلى اجبال الطويق ماخوفتني
لوينكتب حرفي على الغيم مديت=أشجون قافي للسحب وصلتني
في قمة الابداع ياما تعليت=لو غصت وسط ابحورها ماغرقتني
إليا نويت الشعر ما قلت ياليت=أخترت جزلات المعاني وجتني
عبرت عن ما تخفي الروح وبديت=غيات نفس ٍ للقصيد اجبرتني
أمشي على منهج هل الطيب والصيت =وأشعار بعض الناس ماهيضتني
لويكتب الاشعار بيت ٍ ورى بيت= هزل القوافي عمرها ما أعجبتني